مشكلة كل شاب

[louis vuitton]

هاي شباب كيفكم
انا اليوم بطرح مشكلة تقريبا هي مشكلة الجميع
يا جماعة ما تلاحظون انه ماسار فيه اماكن للشباب
اكثر المحلات الجيدة
للعواااااااااااااااااااااااااااائل
طيب يقولون شباب شوارع
طيب وين نروح
اذا رحنى مولات قام كل الناس يطالعون فيك والهيئة وراك او السكرتية
والله حتى السوبر ماركت
تقريبا سرنا منبوذين
وخصوصا اذا سرت لابس صح
والله العظيم حصلت لي وكذا شخص
واذا طلعت في السوق وشافوك اقاربك قالوا هذا صايع
طيب قالوا الحل طلع وحدة معاك
والله لو طبيت في تفتيش والله لتروح فيها
طيب يا جماعة تتوقعون ايش بيسر على هذا الكبت
انا ما اقول يخلوها اختلاط
لا يعني زي مافيه اماكن كلها عوائل برضه يخلون اماكن شباب
ويخففون النظرة السيئة للشباب
ياناس برظه نبغى نفلها وونبسط
والله البنت في الشارع سار لها قيمة اكثر منا يالشباب
طيب ايش الحل
والله نحن مطاردون ومستهدفون
والسبب مين
سمعة الشاب السعودي
المفروض نكون فوق الجميع
لكن مين يسمع خلوها على ربكم
وترى موضوع ميئوس منه
المشكلة الفترة الي احنا فيها مابين 17-28
هدف لكل شيء
لو قلت مخدرات
نقاط التفتيش
الارهابين
الخونة
اي شيء
لكن الصبر والكفاح
هذا هو الحل
الزمن الي احنا فيه زمن صعب والله
ياريت ما اكون طولت عليكم
ونشوفكم في مواضيع اخرى
وهذا ايميلي اذا تبغون اي خدمة
memo_1vip@hotmail.com
ويلا سلااااااااااااااااام

[sallohi]

ياواد خليها سهالا

نعرف الضغوط اللى يسونها علىالشباب ...........

بس سهلها تسهل معاك ...........

[louis vuitton]

نحاول ونشوف

[sanuorah]

والله انا رائي كا بنت
كلامك تمام
وخاصة في المولات ليش يعني كدا
يعني ايش فيها لو دخل الولد المول
يقولو ايه الاولاد يأزو البنات
مو دارين انو البنات سارو هما الي يأزو الاولاد
طب يسولكم اماكن عدله
كل الي اسمعو اماكن لي الشباب القهوه
يعني بي الله القهوه مكان عدل
بي العكس بتروحو وبتعسلو وتشيشو
يعني مره ما عرفو يسو اماكن خاصه للشباب
وايش في كمان ........
ايوه اماكن النت بي الله دي اماكن وبس
وما اعرف ايش في اماكن خاصه بي الشباب كمان
يعني اماكن عاديه ما تسلي

بس ياشيخ مشي حالك (دا انا بنت كيف انتو) حاسه بيكم والله
انا لو كنت رئيسه البلديه او السياحه ما اعرف المهم دي الاشياء الي تهتم بدي الخصوصيات
كان اول شي سويتو انو يسمحو بدخول الاولاد
او يفتحو اماكن عدله
بس لا اطول عليكم لانو لو طولت مح اسكت خخخخخخ

[louis vuitton]

ياريت تكون رئيس البلدية
ويسلموووووووووووووووووو

[YASOORY]

ردي شي واحد


في جدة الحمدالله موفرين للشباب اماكن كتيرة ولله الحمد


فتحوا لكم منطقة سبااقاات واستعراضات (ريس وي)
الحمدالله المراكو الترفيهية ياكثرها
الملاعب ياكثرها
أماكن خاصة للشباب



بس نحن مشكلتنا نبغا دايم الجديد ونبغا ونبغا ونبغا


وللأسف معظم الشبااب يستعموا كل شي جديد وحلوو للسيء أو الشر


وقليل من الشباب الي تلاقيهم من جد يستااهلــوا الإهتمام والسماع لهم من قبل المسؤولين


وأسف على الإطالة

[F.U.B]

من جد ترى

صح

إذا أنحرمنا من المولات والأسواق

فيه غيره موفرينه لنا إحنا الشباب

أماكن السباقات
كافيهات
نسوق سياره

ملاعب كوره
وملاعب صابونيه

والشارع نمشي فيه بدون خوف

بعكس البنات المساكين

مايسوقو
ولا يتفرجو على السباقات
وخوف عليهم لوم مشيو في الشارع لحالهم


يعني الفرص متساويه بين الشباب والبنات

والحمدلله

[louis vuitton]

والله مشور لى ارائكم

[ڪَآمّلـٍ ألآإوصـُآفٍ ~]

والله انا اشوف هاذي وجهة النظر حلوه لكن انا ما أأيد انو الشباب يدخلو المولات مع اني شاب لكن والله العظي 80% تفكير الشباب يدخلو المولات علشات يآذو بنات ويرقمو بنات صراحه احسه تفكير مره واطي انا لو بنت تدفعلي ملاين والله ما اجري واها من محل لـ محل يناس وين الكرامه وطبعآ شاب عن شاب يفرق وبسلامة السامعين بس هاذي الصراحه



ودي اقولككم موقف صار لي في احدى المولات وانا جالس مع اهلي تخيلو بلله كيف المنظر قدامي واحد بزره عمره يمكن 18 ولا 17 سنه ومعاه بنوته ههههههههه الاثنين مسوين حبيبه قيس وليلى جالسين سواء قدام الله وخلقه ولا همهم احد الله يستر بس وانا اشوف انو الشباب اذا سمحو لهم يدخلو المولات خربة الدنيا خلينا كذا حسن لانو هذا شعب محروم بصراحه


وهاذي وجهة نظري واتمنى انكم تتقبلوهآ بطيبة نفس

[louis vuitton]

والله عالم
يسلمو على الردود

[dj-tigerboy-mix]

ان ارفض تماما ......

هذا رأي ولازم نحترموووه
شكرا ياااقمر ....

[louis vuitton]

يسلمووووو على مرورك العسل

[6th_Division]

انا من رايي انهم يخلو فيه اوقات خاصة للشباب واوقات خاصة للعوائل

او انهم يفتحوا مولات واماكن خاصة للشباب

[RAED]

انتا عارف ايش الحل الوحيد للحاجات دي

انا عندي بعض الحلول

بالبداية انا ماشي على قاعدة (زي ما يعقدونا نعقدهم )

يعني اذا كنت ناوي تدخل مول روح سويلك جولة تفقدية على جميع البوابات وشوف البوابة الاسهل من ناحية الزحمة ومن ناحية السيكيورتي اللي واقف على البوابة انو يكون اطرش (تعرف درجة الغباء من الوجه)

في هادي الحالة تتحول الى زئبق وتكون ذيب وتنبرش على البوابة في اقرب فرصة لمن يغفل الحارس

الطريقة التانية(في حالة انو الحراس عيونهم مفتحه منتبهين تمام) ما الك الا انك تستنى اقرب قروب بناتي جاي وداخل على المول وتدخل معاه بعد ماتتفق معاهم طبعا انت وشطارتك في الاسلوب

حصلت اكتر من مرة معايه وطلع والله فيه بنات(رجال واصحاب موقف شهميين يعني)ههههههه
دخلت معاهم وبعدين كلن في طريقة

اذا كان اللي تبغى تدخل عليه مكان محوط باسوار من برا
هادي ما يحتاج شغل مدارس(ايام التفريك)
استعد وكأنك داخل على بطولة العالم لالعاب القوى ونطلك نطة قوية ومن فوق السور وبعد كذا هاتك يفرفرة جوا المكان

ارجوا اني اكون افدتكم ياعيال ولا تنسوا (زي ما يعقدونا نعقدهم )
باي

[sallohi]

RAED

ما يحتاج الأخ جا بلكم الحلـ
تفكير حلو وقمة في الذكاء

يحتاج تكون بدال المحقق كونان

[Moon Light]

صح كلامكم والله
بس انتا في السعوديه
ياسلاااااااااااااااامي عليكم ياسعوديه

[فتى السعودية]

حاولت ولاكن احاول تاني
تقبل مروري

[Nony cool]

وي حرام عليكم

والله كل ما أروح مكان كل شبااااااب ,,

خصوصاً في الصواري وآيس لاند .. يا ابويا وربي يدخلونكم بكم كلمه حلوه :D

وزي ماقال اخويا RAED شوف لك أقرب قرووب بنووتات طبعن احنا مانقصر :D

Nony cool

[فتى السعودية]

ههههههههههNony cool لا تنساني :D

[كول فله]

rka-cool-for-ever@hotmail.com انا ابغا اتونس على السوري

[louis vuitton]

نوني كيييف ما يجي تدخليني الصواري ولا ايس لاند
هههههههه
يسلمو على كل ردودكم واخوي ريد
نصايحك بنجربها وعلى الله
يسلمو للكل

[B a D i (*_*)]

انا بالمرة عجيني كلام Yasoory وكلامو صح في أماكن شبابية لكن الشباب ما يروحو إلا المولات

وعلى الأسواق صرنا ما ندلها إلا بأهلنا حتى انتا مو حق التعارف والكلام الفاضي دا
انتا تبغى تشتري تي شيرت يقولو ممنوع تبغى اي شي ممنوع

والسوبر ماركتات برضو صارو يمنعو الشباب احيانا >> طبعا هادا على حسب مزاج السكورتي

ومشكوووووووورين

[louis vuitton]

شيء غريب وربي اشويا اشويا نسير ممنوعين من كله
ههههههههههههههه
على العموم ماقصرت خيووو ومرورك كله عسل

[قــَآإهّرً غرَوٌرَڪ ~]

شوفو والله مافيه طريقه الا انك تـدور على المولات والاماكن حقت العوائل

وتشبك السكرتيه وهاااتك فله ياششيخ يعني مافيه الا الطريقه واللي يبغى اعلمه اسلوب التشبيك


يجي يكلمني خخخخخ ... هع هع هع هع


يالله تشاااوو